சென்னை,
கவர்னர் திருப்பி அனுப்பிய மசோதாக்களை மீண்டும் நிறைவேற்றி அனுப்புவதற்காக தமிழக சட்டமன்றத்தின் சிறப்பு கூட்டம் நடைபெற்று வருகிறது. இதில் முதல் அமைச்சர் முன்மொழிந்த தனித்தீர்மானத்தின் மீது சட்டமன்ற உறுப்பினர்கள் கருத்து தெரிவித்து வருகின்றனர். அப்போது பாஜக எம்.எல்.ஏ. நயினார் நாகேந்திரன் கூறியதாவது;
'சட்டமன்றம் மிகப்பெரிய மான்பும், மரபும் மிக்கது. இதனை பொதுக்கூட்ட மேடையாக மாற்றிவிடக்கூடாது. நிதானம் தவறிய சொற்களை இங்கு நிறைய பேர் பேசியுள்ளனர். பாஜக அரசாங்கம், கவர்னர் என்று பேச வேண்டிய அவசியம் இல்லை.' இவ்வாறு அவர் பேசினார்.
