சென்னை,

சென்னை மெரினா கடற்கரையில் வைத்து நடைபெறும் பீச் வாலிபால் போட்டிகளை காண பொதுமக்களுக்கு அமைச்சர் உதயநிதி ஸ்டாலின் அழைப்பு விடுத்துள்ளார். இதுதொடர்பாக அவர் தன்னுடைய டுவீட்டரில் கூறி இருப்பதாவது;

"முதலமைச்சர் கோப்பை 2023 - மாநில அளவிலானப் போட்டிகள் சென்னையில் மிகப்பெரிய அளவில் நடைபெற்று வருகிறது. இதற்காக தமிழ்நாடு அரசு & தமிழ்நாடு விளையாட்டு மேம்பாட்டு ஆணையம் சிறப்பான ஏற்பாடுகளை செய்துள்ளது.

இதன் ஒரு பகுதியாக மாநில அளவிலான பீச் வாலிபால் போட்டிகள் சென்னை மெரினா கடற்கரையில் இன்று தொடங்கி ஜூலை 11 ஆம் தேதி வரை தினசரி மாலை 4 மணிக்கு நடைபெறுகின்றன. நம்முடைய 18 அணிகள் களத்தில் உள்ளன. அவர்களின் ஆட்டத்தை கண்டுகளித்து உற்சாகப்படுத்துவோம் வாரீர்!" இவ்வாறு அவர் அதில் தெரிவித்துள்ளார்.