என்.சி.சி. மாணவர்களுக்கு தேர்வு

நாசரேத்:

நாசரேத் மர்காஷிஸ் மேல்நிலைப்பள்ளியில் என்.சி.சி. மாணவர்களுக்கான 'ஏ' கிரேடு சான்றிதழ் தேர்வு நடைபெற்றது. மேல்நிலைப்பள்ளிகளில் என்.சி.சி.யில் உள்ள மாணவ-மாணவிகளுக்கு ஆண்டுதோறும் 'ஏ' கிரேடு சான்றிதழ் தேர்வு நடத்தப்பட்டு வருகிறது. இதில் வெற்றி பெறும் மாணவ-மாணவிகளுக்கு உயர்கல்வி மற்றும் வேலைவாய்ப்பில் முன்னுரிமை மற்றும் இடஒதுக்கீடு அளிக்கப்படுகிறது. தமிழ்நாடு 9-வது சிக்னல் கம்பெனி என்.சி.சி. சார்பில் கமாண்டிங் அதிகாரி லெப்டினன்ட் கர்னல் சின்ஹா உத்தரவின்படி நடைபெற்ற இந்த தேர்வில் நாசரேத் மர்காஷிஸ் மேல்நிலைப்பள்ளி, பணிக்கநாடார்குடியிருப்பு ஸ்ரீகணேசர் மேல்நிலைப்பள்ளி மற்றும் ஆழ்வார்திருநகரி இந்து மேல்நிலைப்பள்ளியை சேர்ந்த 120 மாணவ-மாணவிகள் கலந்து கொண்டு தேர்வு எழுதினர். தேர்வை கவில்தார் தேசிங்குராஜா மற்றும் நவுசத் அலி ஆகியோர் நடத்தினர். ஏற்பாடுகளை பள்ளி தாளாளர் சுதாகர் தலைமையில் தலைமை ஆசிரியர் ஜெபகரன் பிரேம்குமார், என்.சி.சி. ஆசிரியர் சுஜித் மற்றும் ஆசிரியர்கள், அலுவலர்கள் செய்து இருந்தனர்.