மதுரை,
மதுரை கோட்ட ரெயில்வேக்கு உட்பட்ட திருமங்கலம், திருப்பரங்குன்றம் மற்றும் மதுரை ரெயில் நிலையத்தில் அகலப்பாதை தண்டவாள இணைப்பு பணி நடந்து வருகிறது. இதற்காக அந்த பாதையில், ரெயில்களின் போக்குவரத்தில் மாற்றம் செய்யப்பட்டுள்ளது.
அதன்படி, திருவனந்தபுரத்தில் இருந்து வருகிற 27-ந் தேதி மதுரை புறப்படும் அம்ரிதா எக்ஸ்பிரஸ் ரெயில் (வ.எண்.16343) திண்டுக்கல் ரெயில் நிலையத்துடன் நிறுத்தப்படும். மறுமார்க்கத்தில் மதுரை-திருவனந்தபுரம் அம்ரிதா எக்ஸ்பிரஸ் ரெயில் (வ.எண்.16344) வருகிற 28-ந் தேதி மதுரையில் இருந்து புறப்படுவதற்கு பதிலாக திண்டுக்கல் ரெயில் நிலையத்தில் இருந்து மாலை 5.05 மணிக்கு திருவனந்தபுரம் புறப்பட்டு செல்லும் என்று தெரிவிக்கப்பட்டுள்ளது.