நெகமம்

நெகமத்தை அடுத்த தேவணாம்பாளையம் ஆற்றங்கரையில் அமைந்துள்ள அகிலாண்டேஸ்வரி சமேத அமணீஸ்வரர் கோவிலில் வராகி அம்மனுக்கு நேற்று முன்தினம் தேய்பிறை பஞ்சமி ஹோமம் நடைபெற்றது. இதையொட்டி இரவு 7 மணிக்கு ஹோமம், சிறப்பு பூஜை நடந்தது. தொடர்ந்து பல்வேறு வகையான அபிஷேக பூஜை, அலங்கார பூஜை, தீபாராதனை நடைபெற்றது. பின்னர் பக்தர்களுக்கு பிரசாதம் வழங்குதல், அன்னதானம் நடந்தது. விழாவிற்கான ஏற்பாடுகளை அமணீஸ்வரர் அறக்கட்டளை நிர்வாகிகள் செய்து இருந்தனர்.