நெமிலியை அடுத்த உளியநல்லூர் கிராமத்தில் நேற்று கால்நடை சிறப்பு மருத்துவ முகாம் நடைபெற்றது. முகாமை ஊராட்சி மன்ற தலைவர் ஜீவா சதாசிவம் தொடங்கி வைத்தார். கால்நடை உதவி மருத்துவர் ஸ்ரீதேவி, கால்நடை ஆய்வாளர் சுதர்சன் ஆகியோர் முன்னிலை வகித்தனர். முகாமில் 300-க்கும் மேற்பட்ட கால்நடைகளுக்கு நோய் எதிர்ப்பு தடுப்பூசி, பசு மற்றும் எருமை மாடுகளுக்கு செயற்கை முறை கருத்தரிப்பு, சினை பரிசோதனை, குடற்புழு நீக்கம், மலடு நீக்கம் ஆகியவற்றுக்கு சிகிச்சையளிக்கப்பட்டது. மேலும் கால்நடைகளுக்கு தாது உப்புக்கலவையும் வழங்கப்பட்டது.