டிரம்ப்பும் நானும் 10 மாதங்கள் காதலித்தோம் என பிளே பாய் முன்னாள் மாடல் அழகி பரபரப்பு தகவல்

வாஷிங்டன்

அமெரிக்க அதிபர் டொனால்ட் டிரம்ப் மீது காதல் வயப்பட்டதாகவும், அவருக்கும் தன் மீது காதல் இருந்ததாக பிரபல பிளேபாய்  பத்திரிகையின் மாடல் அழகி ஒருவர் தெரிவித்துள்ளார்.

அமெரிக்க அதிபர் டிரம்பை சுற்றி அடிக்கடி பல்வேறு சர்ச்சை கருத்துகள் எழும். அந்த வகையில் அவர் தன்னை காதலித்ததாக மாடல் அழகி ஒருவர் கூறியுள்ளார். மாடல் அழகியான கரேன் மெக்டொகல்  சி.என்.என்.னுக்கு தொலைப்பேசி நேர்காணல் ஒன்றில் பேசும்போது, கடந்த 2006ம் ஆண்டு டிரம்ப் மீது கிட்டத்தட்ட 10 மாதங்கள் அளவிற்கு காதலில் இருந்தேன். எல்லா நேரமும். அவர் என்னை காதலிப்பதாக அப்போது என்னிடம் கூறினார். "   எனக் கூறி திடுக்கிட வைத்துள்ளார்.

இது  திருமணத்திற்கு வழிவகுக்கும் என நினைத்தீர்களா என  கேட்கப்பட்டபோது, ஒருவேளை என தெரிவித்தார்.

அமெரிக்காவைச் சேர்ந்த நியூயார்க் டைம்ஸ் பத்திரிக்கை கடந்த பிப்ரவரி மாதம், அதிபர் டிரம்பிற்கு கரேன் மெக்டொகல் உடன் காதல் இருந்ததாகவும், இது தவிர மற்றொரு பெண்ணுடன் அவர் தொடர்பில் இருந்ததாகவும் செய்தி வெளியிட்டிருந்த நிலையில் கரேன் மெக்டெகால் தற்போது அதனை நேர்காணலில் உறுதி செய்துள்ளார்.

கடந்த 2006-ம் ஆண்டு தொடர்பு ஏற்பட்டதில் இருந்து டிரம்ப் தன்னுடன் பலமுறை உடலுறவு வைத்துக்கொண்டதாகவும் அவர் கூறியுள்ளார். இருப்பினும் கரேன் மெக்டொகல்லின் செய்திக்கு அமெரிக்க வெள்ளை மாளிகை மறுப்பு தெரிவித்துவிட்டது. டிரம்பிற்கு அப்பெண் மீது காதல் ஏதும் இல்லை எனவும் கூறிவிட்டது.