உலக செய்திகள்

குகைக்குள் மறைத்து வைத்து 15 வருடங்களாக சிறுமியை கற்பழித்த மந்திரவாதி கைது + "||" + Witch Doctor Arrested For Keeping Woman As Sex Slave For 15 Years In Cave

குகைக்குள் மறைத்து வைத்து 15 வருடங்களாக சிறுமியை கற்பழித்த மந்திரவாதி கைது

குகைக்குள் மறைத்து வைத்து  15 வருடங்களாக சிறுமியை கற்பழித்த மந்திரவாதி கைது
இந்தோனேசியாவில் குகைக்குள் மறைத்து வைத்து சிறுமியை 15 வருடங்களாக கற்பழித்து வந்த பேய் விரட்டும் மந்திரவாதி கைது செய்யப்பட்டார்.

இந்தோனேசியாவில் வசித்து வரும் ஒரு தம்பதி கடந்த 15 வருடங்களுக்கு முன் தங்களது 13 வயது மகளை வீட்டிற்கு அருகே இருந்த பேய் விரட்டும் மந்திரவாதி ஒருவரிடம் சிகிச்சைக்காக கொண்டு சென்று விட்டு உள்ளனர்.

ஆனால் அதன்பின் அவளை காணவில்லை.  இதுபற்றி பெற்றோரிடம், அவள் வேலை தேடி ஜகார்த்தா நகருக்கு சென்று விட்டாள் என மந்திரவாதி கூறியுள்ளார்.  அதன்பின் பெற்றோரிடம் அவள் தொடர்பு கொள்ளவில்லை.

இந்த நிலையில் போலீசாருக்கு கிடைத்த தகவலை அடுத்து, மந்திரவாதியின் வீட்டிற்கு அருகே இருந்த குகை ஒன்றில் இருந்து 28 வயது இளம்பெண் ஒருவர் மீட்கப்பட்டு உள்ளார்.

அவரிடம் நடந்த விசாரணையில், மந்திரவாதி சிறுமியிடம் தன்மேல் ஆம்ரின் என்ற சிறுவனின் ஆவி புகுந்துள்ளது என கூறியுள்ளார்.  அதன்பின் ஒரு புகைப்படத்தினை காட்டி அதனை ஆம்ரின் என கூறியுள்ளார்.

இவன் உனது ஆண் நண்பன் என கூறி சிறுமியை நம்பவைத்து உள்ளார்.  சிறுமியை குகைக்குள் மறைத்து வைத்துள்ளார்.  பகலில் குகையில் இருந்து விட்டு இரவில் மந்திரவாதியின் வீட்டிற்கு அருகே உள்ள குடிசையில் சிறுமி தங்கி இருந்துள்ளார்.

குகைக்குள் தங்கி இருந்த 15 வருடங்களாக சிறுமியை மந்திரவாதி கற்பழித்து உள்ளார்.  தொடர்ந்து கர்ப்பம் ஏற்படாமல் தடுக்க பலமுறை மருந்து கொடுத்து உள்ளார் என விசாரணையில் தெரிய வந்துள்ளது.

இந்த சிறுமி காணாமல் போனது பற்றி சிறுமியின் சகோதரிக்கு தெரிந்திருக்க கூடும் என்றும் போலீசார் சந்தேகிக்கின்றனர்.  ஏனெனில் மந்திரவாதியின் மகனுக்கு சகோதரி திருமணம் செய்து கொடுக்கப்பட்டு உள்ளார்.  இதுபற்றியும் போலீசார் விசாரணை நடத்தி வருகின்றனர்.

இந்த வழக்கில் குற்றவாளி என அறிவிக்கப்பட்டால் மந்திரவாதிக்கு 15 வருட சிறை தண்டனை கிடைக்கும் என கூறப்படுகிறது.

கிராமத்தில் பிரபலமடைந்த அந்த மந்திரவாதியிடம் இதுபோன்று பலர் சிக்கி இருக்க கூடும் என அந்நாட்டின் பெண் வன்கொடுமைக்கு எதிரான தேசிய ஆணைய தலைவி சிதோரஸ் கூறியுள்ளார்.



தொடர்புடைய செய்திகள்

1. திருப்பூரில் வாலிபரை கொலை செய்த உறவினர் கைது; முன்விரோதம் காரணமாக தீர்த்துக்கட்டியது அம்பலம்
திருப்பூரில் வாலிபரை கொலை செய்த உறவினரை போலீசார் கைது செய்தனர். முன்விரோதம் காரணமாக தீர்த்துக்கட்டியது போலீஸ் விசாரணையில் அம்பலமாகியுள்ளது.
2. “என் மகளை பலாத்காரம் செய்தவர்களை கைது செய்ய உத்தரவிடுங்கள்”: இளம்பெண்ணின் தாயார் நீதிபதிக்கு கடிதம், மதுரை ஐகோர்ட்டு வழக்குப்பதிவு
“என் மகளை பலாத்காரம் செய்தவர்களை கைது செய்ய வேண்டும்“ என்று இளம்பெண்ணின் தாயார் மதுரை ஐகோர்ட்டு நீதிபதிக்கு பரபரப்பு கடிதம் எழுதி உள்ளார். அதன் அடிப்படையில் மதுரை ஐகோர்ட்டு தாமாக முன்வந்து வழக்குப்பதிவு செய்தது.
3. பா.ஜ.க. தேசிய செயலாளர் எச்.ராஜா உருவபொம்மை எரிக்க முயற்சி; விடுதலைச்சிறுத்தைகள் கட்சியினர் கைது
பா.ஜ.க. தேசிய செயலாளர் எச்.ராஜா உருவபொம்மையை எரிக்க முயற்சி செய்த விடுதலைச்சிறுத்தைகள் கட்சியினரை போலீசார் கைது செய்தனர்.
4. எச்.ராஜாவை கைது செய்ய வலியுறுத்தி விடுதலை சிறுத்தைகள் கட்சியினர் ரெயில், பஸ் மறியல்; 200 பேர் கைது
திருமாவளவனை அவதூறாக விமர்சித்த எச்.ராஜாவை கைது செய்ய வலியுறுத்தி ரெயில், பஸ் மறியலில் ஈடுபட்ட விடுதலை சிறுத்தைகள் கட்சியினர் 200 பேரை போலீசார் கைது செய்தனர்.
5. காங்கிரஸ் அலுவலகத்தை முற்றுகையிட முயற்சி: பா.ஜ.க. எம்.எல்.ஏ.க்கள் உள்பட 103 பேர் கைது
காங்கிரஸ் அலுவலகத்தை முற்றுகையிட முயன்ற பாரதீய ஜனதா கட்சியை சேர்ந்த நியமன எம்.எல்.ஏ.க்கள் 3 பேர் உள்பட 103 பேர் கைது செய்யப்பட்டனர்.