உலக செய்திகள்

டாக்கா விமான நிலையத்தில் 12¼ கிலோ தங்க கட்டிகளுடன் இந்தியர் சிக்கினார் + "||" + At Dhaka Airport 12¼ kg gold clots Indians caught

டாக்கா விமான நிலையத்தில் 12¼ கிலோ தங்க கட்டிகளுடன் இந்தியர் சிக்கினார்

டாக்கா விமான நிலையத்தில் 12¼ கிலோ தங்க கட்டிகளுடன் இந்தியர் சிக்கினார்
தாய்லாந்தின் தலைநகரான பாங்காக் நகரில் இருந்து தாய் ஏர்லைன்ஸ் விமானம், வங்கதேசத்தின் தலைநகரான டாக்கா ஹஸ்ரத் ஷாஜலால் சர்வதேச விமான நிலையத்தில் நேற்று முன்தினம் நள்ளிரவு 1 மணிக்கு வந்து தரை இறங்கியது.

டாக்கா,

விமானத்தில் ஒருவர் ஏராளமான தங்க கட்டிகளை கடத்தி வருவதாக டாக்காவில் உள்ள சுங்கத்துறை அதிகாரிகளுக்கு ரகசிய தகவல் கிடைத்தது.

இந்த நிலையில் அந்த விமானத்தில் இருந்து இறங்கி வந்த ஒருவரை சுங்கத்துறை அதிகாரிகள் சந்தேகத்தின்பேரில் வழிமறித்து சோதனை போட்டனர்.

அப்போது அவர் 12 கிலோ 300 கிராம் எடை உள்ள 22 தங்க கட்டிகளை தன் உடலில் மறைத்து எடுத்து வந்து இருப்பதைக் கண்டனர். அவற்றை அவர்கள் கைப்பற்றினர்.

அவரிடம் நடத்திய முதல் கட்ட விசாரணையில் அவர் இந்தியர் என்பதுவும், அவரது பெயர் அர்‌ஷத் அயாஸ் அகமது (வயது 46) என்பதுவும் தெரியவந்தது.

அவரை சுங்கத்துறை அதிகாரிகள், டாக்கா போலீசாரிடம் ஒப்படைத்தனர்.

அவர் மீது வங்கதேச சுங்கத்துறை சட்டம் 1969–ன் கீழும், சிறப்பு அதிகார சட்டம் 1974–ன் கீழும் மேல் நடவடிக்கை எடுக்கப்படும் என சுங்கத்துறை துணை கமி‌ஷனர் ஓதெல்லோ சவுத்ரி தெரிவித்தார்.

கைப்பற்றப்பட்டு உள்ள தங்க கட்டிகள் இந்தியாவில் சுமார் ரூ.3 கோடியே 69 லட்சம் மதிப்பு கொண்டவை ஆகும்.



தொடர்புடைய செய்திகள்

1. செங்கல்பட்டில் 2 ஆண்டுகளாக தேடப்பட்ட கொள்ளையன் கைது
செங்கல்பட்டில் 2 ஆண்டுகளாக தேடப்பட்ட கொள்ளையன் கைது செய்யப்பட்டான்.
2. பட்டாபிராமில் தொண்டு நிறுவன ஊழியர் வீட்டில் 42 பவுன் நகை, ரூ.1 லட்சம் கொள்ளை
பட்டாபிராமில் தொண்டு நிறுவன ஊழியரின் வீட்டின் பூட்டை உடைத்து 42 பவுன் நகை மற்றும் ரூ.1 லட்சத்தை மர்மநபர்கள் கொள்ளையடித்து சென்றனர்.
3. மயிலாடுதுறை அருகே சாராயம் கடத்திய 3 பேர் கைது பெண்கள் உள்பட 6 பேருக்கு வலைவீச்சு
மயிலாடுதுறை அருகே சாராயம் கடத்திய 3 பேரை போலீசார் கைது செய்தனர். வழக்கு தொடர்பாக பெண்கள் உள்பட 6 பேரை போலீசார் வலைவீசி தேடி வருகின்றனர்.
4. கோவை கரும்புக்கடையில் கேபிள் டி.வி. ஆபரேட்டர் வீட்டில் 65 பவுன் நகை, பணம் திருட்டு
கோவை கரும்புக்கடையில் கேபிள் டி.வி. ஆபரேட்டர் வீட்டில் 65 பவுன் நகை மற்றும் பணம் திருட்டு போனது.
5. திருவள்ளூர் அருகே மளிகை கடையின் பூட்டை உடைத்து 40 பவுன் நகை, பணம் கொள்ளை
திருவள்ளூர் அருகே மளிகை கடையின் பூட்டை உடைத்து 40 பவுன் தங்க நகைகள், ரூ.78 ஆயிரம், ½ கிலோ வெள்ளி பொருட்கள் மற்றும் 10 அரிசி மூட்டைகள், மளிகை பொருட்களை கொள்ளையடித்து சென்ற மர்மநபர்களை போலீசார் தேடி வருகின்றனர்.