உலகைச் சுற்றி...

* கரீபியன் நாடுகளில் ஒன்றான ஹைதியில் ஊழலுக்கு எதிராக நாடு முழுவதும் மக்கள் வீதியில் இறங்கி போராட்டம் நடத்தி வருகின்றனர். இந்த போராட்டத்தின் போது ஏற்பட்ட வன்முறையில் 6 பேர் பலியாகினர். 5 பேர் படுகாயம் அடைந்ததாகவும், 20-க்கும் மேற்பட்டோர் கைது செய்யப்பட்டிருப்பதாகவும் தகவல்கள் தெரிவிக்கின்றன.

* வியட்நாமின் மத்திய பகுதியில் அமைந்துள்ள டிராங்க் நகரை தாக்கிய புயலை தொடர்ந்து அங்கு கனமழை கொட்டி தீர்த்தது. இதனால் அந்த நகர் வெள்ளக்காடானது. மேலும் பல இடங்களில் பயங்கர நிலச்சரிவும் ஏற்பட்டது. இதில் பலியானவர்களின் எண்ணிக்கை 14 ஆனது.

* அமெரிக்காவின் கலிபோர்னியா மாகாணத்தில் ஏற்பட்ட காட்டு தீயில் சிக்கி பலியானவர்களின் எண்ணிக்கை 77 ஆக உயர்ந்தது. 10,500 வீடுகள் தீயில் கருகி சாம்பலாகி விட்டதாக தெரிவிக்கப்பட்டு உள்ளது.