உலகைச் சுற்றி...

* பெரு நாட்டின் தெற்கு பிராந்திய பகுதிகள் தொடர் கனமழை மற்றும் நிலச்சரிவால் பெரும் பாதிப்புக்குள்ளாகி இருக்கிறது. நிலச்சரிவால் உயிர் இழந்தவர்களின் எண்ணிக்கை 10 ஆக உயர்ந்தது.

* ஆப்கானிஸ்தானின் முன்னாள் அதிபர் சிபாஹதுல்லா முஜாதிதி நேற்று முன்தினம் இரவு காலமானார். அவருக்கு வயது 93.

* பிரேசிலை சேர்ந்த பிரபல செய்தி வாசிப்பாளர் ரிக்கார்டோ போசாட்(வயது 66) ஹெலிகாப்டர் விபத்தில் பலியானார்.

* வியட்நாமில் விரைவில் நடைபெற இருக்கும் அமெரிக்க ஜனாதிபதி டிரம்ப், வடகொரிய தலைவர் கிம் ஜாங் அன் இடையிலான 2-வது சந்திப்பு வெற்றிகரமாக நடக்கும் என சீனா மற்றும் ரஷியா நம்பிக்கை தெரிவித்துள்ளன.

* மலேசியாவில் வெளிநாட்டினரை குறிவைத்து கடத்தி பணம் பறித்து வந்த முக்கிய குற்றவாளிகள் 2 பேரை போலீசார் சுட்டுக்கொன்றனர். அவர்களின் பிடியில் இருந்து வங்காளதேச நாட்டுக்காரர் ஒருவரை பத்திரமாக மீட்டனர்.

* அமெரிக்க ராணுவ மந்திரி (பொறுப்பு) பட்ரீக் சனாகான் ஆப்கானிஸ்தானை தொடர்ந்து ஈராக்குக்கு திடீர் பயணம் மேற்கொண்டார்.

* பிரதமர் தெரசா மே வரும் கோடை காலத்தில் தனது பதவியை ராஜினாமா செய்வார் என நம்புவதாக இங்கிலாந்து எம்.பி.க்கள் தெரிவித்தனர்.