உலகைச்சுற்றி...

*  அமெரிக்காவில் அவசர நிலை பிரகடனப்படுத்தியது மூலம் டிரம்ப் ஒரு கடுமையான ஜனாதிபதி என்பது நிரூபணமாகி இருப்பதாக கூறும் ஜனநாயக கட்சியினர், விரைவில் அவசர நிலையை முடிவுக்கு கொண்டு வரவோம் எனவும் சூளுரைத்துள்ளனர்.

*  அடுத்த ஆண்டு நடைபெறும் அமெரிக்க ஜனாதிபதி தேர்தலில் போட்டியிட ஜனநாயக கட்சியை சேர்ந்த மூத்த செனட் சபை உறுப்பினர் பெர்னி சாண்டர்ஸ் விருப்பம் தெரிவித்துள்ளார். இவர் 2016-ம் ஆண்டு தேர்தலிலும் ஜனநாயக கட்சி வேட்பாளருக்கு போட்டியிட்டு, ஹிலாரி கிளிண்டனிடம் தோல்வியை தழுவியது குறிப்பிடத்தக்கது.

*  நைஜீரியாவின் ஷாம்பாரா மாகாணத்தை சேர்ந்த கொள்ளையர்கள் சிலர் 80 பேரை கடத்தி சென்று தும்புராம் வனப்பகுதியில் பிணைக்கைதிகளாக வைத்திருந்தனர். நைஜீரிய ராணுவவீரர்கள் அங்கு அதிரடி தாக்குதல் நடத்தி 80 பேரையும் பத்திரமாக மீட்டனர்.

*  அமெரிக்காவின் கலிபோர்னியா மாகாணத்தை சேர்ந்த வாலிபர், சீக்கியர் ஒருவரின் முகத்தில் கொதிக்கும் காபியை ஊற்றியதோடு, அவரை சரமாரியாக தாக்கினார். இனவெறி தாக்குதலில் ஈடுபட்ட அந்த வாலிபரை போலீசார் கைது செய்தனர்.