டாக்காவின் பானானி பகுதியில் 22 மாடி கட்டிடத்தில் தீ விபத்து ஏற்பட்டுள்ளது. கட்டிடத்தில் பல்வேறு துணிக்கடைகள், இணைய சேவை மையங்கள் செயல்பட்டுள்ளது. கட்டிடத்தில் ஏற்பட்ட தீ அருகிலிருந்த இரண்டு கட்டிடங்களுக்கும் பரவியுள்ளது. 8-வது மாடியில் ஏற்பட்ட தீ விபத்து 11-வது மாடி வரையில் சென்றுள்ளது. அந்நாட்டு தீயணைப்பு படைகள், ராணுவம், விமானப்படை ஒன்றாக இணைந்து தீயை அணைக்கும் பணியை மேற்கொண்டது. தீ விபத்தின் போது உயிர்தப்பிக்க கட்டிடத்தில் இருந்து குதித்தவர்கள் உள்பட 19 பேர் உயிரிழந்துள்ளனர் என தெரிவிக்கப்பட்டுள்ளது.

50-க்கும் அதிகமானோர் காயங்களுடன் மருத்துவமனைகளில் சிகிச்சை பெற்று வருகிறார்கள். பலி எண்ணிக்கை அதிகரிக்கக் கூடும் என அஞ்சப்படுகிறது. தீ அணைக்கப்பட்டு மீட்பு பணிகள் நடக்கிறது என மீட்பு குழு தரப்பில் தெரிவிக்கப்பட்டுள்ளது.