கொரோனா என்னும் கொடிய வைரஸ் உலகில் இருக்கும் ஒவ்வொரு நாட்டையும் சென்றைடையக் கூடிய ஆற்றலை கொண்டுள்ளதாகவும், இதன் பாதிப்பு அதிகரித்து வருவதாகவும், உலக சுகாதர அமைப்பின் அதிகாரிகள் எச்சரித்துள்ளனர். 

 சீனாவில் பரவிய இந்த கொரோனா வைரஸ் தற்போது உலகில் பல்வேறு நாடுகளில் பரவி வருகிறது.குறிப்பாக சீனாவில் இப்போது கொரோனா வைரசால் இறப்பவர்களின் எண்ணிக்கை குறைந்து ஐரோப்பிய நாடுகளில் இறப்பு எண்ணிக்கை அதிகரித்து வருகிறது. அதுமட்டுமின்றி அதிகமாகவும் பரவி வருகிறது.இதனால் ஒவ்வொரு கண்டங்களிலும் இருக்கும் நாடுகளில் எத்தனை பேர் பாதிக்கப்பட்டுள்ளனர் என்பது குறித்த பட்டியலை பிரபல ஆங்கில ஊடகம் வெளியிட்டுள்ளது. 

இந்நிலையில், உலக சுகாதார ஆணையத்தின் செய்தித் தொடர்பாளர் ஒருவர், கொரோனா வைரஸ் பரவல் அதிகமாகி வருகிறது, இது அனைத்து நாடுகளையும் அடையக் கூடும் என்று கூறியுள்ளார்.மேலும், உலக சுகாதர அமைப்பின் தலைவரான டெட்ரோஸ் அதானோம் கெப்ரேயஸ்,  இந்த வைரஸ் ஒரு தொற்று நோயை கொண்டுள்ளது, உலக நாடுகள் ஒரு முக்கிய கட்டத்தில் இருக்கின்றன. நாங்கள் உண்மையில் மிகவும் நுட்பமான சூழ்நிலையில் இருக்கிறோம், அதில் பாதிப்பு எந்த திசையிலும் நாம் அதை எவ்வாறு கையாளுகிறோம் என்பதை அடிப்படையாகக் கொண்டு செல்ல முடியும் என்று தெரிவித்துள்ளார். 

தென் கொரியாவில் மொத்த கொரோனா தொற்றுநோய்களின் எண்ணிக்கையை 2,931 ஆக அதிகரித்து உள்ளது என  கொரியா நோய் கட்டுப்பாடு மற்றும் தடுப்பு மையம் (கே.சி.டி.சி) தெரிவித்துள்ளது.நாட்டில் இதுவரை பதினேழு பேர் உயிரிழந்து உள்ளனர். 

ஆப்பிரிக்காவில் நைஜீரியா, ஆஸ்திரேலியா கண்டத்தில் நியூசிலாந்து, ஐரோப்பா கண்டத்தில் பெலாரஸ் மற்றும் லித்துவேனியா நாடுகளில் முதல் முறையாக கொரோனா பாதிப்பு உறுதிப்படுத்தப்பட்டுள்ளது.

 மங்கோலியாவில் இதுவரை கொரானா பரவவில்லை என்றாலும், அண்மையில் சீனா சென்று திரும்பிய அந்நாட்டு அதிபர் பட்டுல்கா கல்ட்மாவுக்கு தொற்றியிருக்கலாம் என்ற சந்தேகத்தில் அவர் தனிமைப்படுத்தப்பட்ட கண்காணிப்பில் வைக்கப்பட்டுள்ளார். 

நேற்று முதல், டென்மார்க், எஸ்டோனியா, லிதுவேனியா, நெதர்லாந்து மற்றும் நைஜீரியா ஆகிய நாடுகள் தங்களது முதல் பாதிப்பை பதிவு செய்துள்ளன. இந்த பாதிப்புகள்  அனைத்தும் இத்தாலியுடன் தொடர்புகளைக் கொண்டுள்ளன. 

ஐரோப்பாவில் கடுமையாக பாதிக்கப்பட்டுள்ள இத்தாலியில் பலி எண்ணிக்கை 21 ஆக அதிகரித்துள்ளது. அங்கு கொரோனா பாதித்தவர்கள் எண்ணிக்கை 889 ஆக உயர்ந்துள்ளது. ஜெர்மனியில் புதிதாக 45 பேருக்கும், பிரான்சில் 38 பேருக்கும் ஸ்பெயினில் 23 பேருக்கும் கொரோனா தொற்றியுள்ளது.