தோகா,
உலகக் கோப்பை கால்பந்து போட்டியில் பிரான்ஸ் அணி கால்இறுதிக்குள் நுழைந்தது.
பிரான்சின் ஒலிவியர் ஜிரூட் கோல் 44-வது நிமிடத்தில் அடித்து கணக்கை தொடங்கி வைத்தார். களத்தில் பம்பரமாக சுழன்று வந்த எம்பாப்வே 74-வது நிமிடத்திலும், 90-வது நிமிடத்திலும் பிரமாதமான ஷாட்டுகள் மூலம் கோல் போட்டு எதிரணியை திக்குமுக்காட வைத்தார். இதனால் போலந்தை 3-1 என்ற கோல் கணக்கில் பிரான்ஸ் அணி பந்தாடியது.
இந்த நிலையில், பிரான்சின் வெற்றியை பிரான்ஸ் அதிபர் இம்மானுவேல் மேக்ரான் கொண்டாடினார். அவர் தனது டுவிட்டரில், பிரான்ஸ் வீரர்கள் கைலியன் எம்பாப்பே மற்றும் ஒலிவியர் ஜிரூட் படங்களை பதிவிட்டு மகிழ்ச்சியை வெளிப்படுத்தினார்.