பீஜிங்,

விண்வெளி துறையில் ஆதிக்கம் செலுத்தி வரும் அமெரிக்கா, ரஷியா, சீனாவுக்கு இணையாக இந்தியாவும் வளர்ச்சி அடைந்து வருகிறது. அதிவிரைவான இணையதள சேவையை வழங்குவதற்காக, செயற்கைக்கோள்களை விண்வெளியில் செலுத்தி சுற்று வட்டப்பாதையில் நிறுத்தும் வர்த்தகம் செழிப்படைந்து வருகிறது.

கடந்த 2020-ம் ஆண்டில் ரூ.36 லட்சத்து 63 ஆயிரத்து 344 கோடி மதிப்பிலான வர்த்தகம் நடந்தது. வருகிற 2025-ம் ஆண்டில் இதன் மதிப்பு ரூ.49 லட்சத்து 17 ஆயிரத்து 240 கோடியாக வளர்ச்சி அடையும் என மதிப்பிடப்பட்டு உள்ளது.

செயற்கைக்கோள்களை ஏவுவதில் முக்கிய பங்காற்றி வந்த நாடுகளாக ரஷியா மற்றும் சீனா இருந்து வந்தது. எனினும், உக்ரைன் போர் மற்றும் அமெரிக்காவுடனான சீனாவின் பதற்ற சூழல் ஆகியவற்றால் புதுப்புது வாடிக்கையாளர்களை நோக்கி செல்ல வேண்டிய கட்டாயம் ஏற்பட்டது.

ஆனால், பிரான்ஸ் நாட்டின் ஆரியன்ஸ்பேஸ் புதிய ராக்கெட் கிடைத்து அதனை பயன்பாட்டுக்கு கொண்டு வருவதில் பிரச்சனை ஏற்பட்டு ஒதுங்க வேண்டியிருந்தது.

இங்கிலாந்து கோடீசுவரரான ரிச்சர்ட் பிரான்சன் உடன் இணைந்து விர்ஜின் ஆர்பிட் ஹோல்டிங்ஸ் நிறுவனம் செயற்கைக்கோள்களை ஏவும் பணியில் ஈடுபட்டு வந்தது. ஆனால், கடந்த ஜனவரியில் செயற்கைக்கோள் ஏவும் பணியில் ஏற்பட்ட தோல்வியால் காலவரையின்றி தனது நிறுவன செயல்பாடுகள் நிறுத்தப்படுகின்றன என கடந்த வாரம் அவர் கூறினார்.

அதனால், செயற்கைக்கோள் ஏவும் பணிக்கு தற்போது எலான் மஸ்க்கின் ஸ்பேஸ்எக்ஸ் நிறுவனம் ஒன்றையே சார்ந்து இருக்க வேண்டி உள்ளது.

இந்த சூழல், இந்தியாவுக்கு அதிரடியாக கைகொடுத்து உள்ளது. இதுபற்றி விண்வெளி ஆராய்ச்சி மற்றும் ஆலோசனை நிறுவனங்களில் ஒன்றான நார்தர்ன்ஸ்கை ரிசர்ச் நிறுவனத்தின் முதன்மை நிபுணர் டல்லாஸ் கசபோஸ்கி கூறும்போது, அரசியல் ரீதியாக இந்தியா ஒரு சிறந்த இடத்தில் உள்ளது.

ஒருவேளை ஸ்பேஸ்எக்ஸ் நிறுவனம் ஆனது, நிறைந்து விட்டாலோ, பரபரப்புடன் இயங்கி அல்லது அதிக பொருட்செலவை ஏற்படுத்தினாலோ நீங்கள் வேறிடம் தேட வேண்டியிருக்கும். அதற்கு சீனாவையும் நீங்கள் எதிர்பார்க்க முடியாது என கூறுகிறார்.

சீனாவின் மேற்கத்திய தொழில்நுட்பம் சார்ந்த விசயங்களால், பல செயற்கைக்கோள் இயக்கும் நிறுவனங்களுக்கு சீனா ஒரு சிறந்த தேர்வாக இருக்காது.

அமெரிக்கா மற்றும் பிற சக்தி படைத்த நாடுகளான ஆஸ்திரேலியா, ஜப்பான் உள்ளிட்ட நாடுகளுடன் இந்தியா நெருங்கி செயலாற்றி வருகிறது. போட்டி நாடுகளை விட இந்தியாவில் செலவும் குறைவு என தகவல் தெரிவிக்கின்றது.

பிரதமர் மோடியின் மேக் இன் இந்தியா பிரசாரத்தில் விண்வெளி துறை ஒரு முக்கிய பங்காற்றி வருகிறது. தொழில்நுட்ப கண்டுபிடிப்பில், முன்னணியில் இருப்பதுடன், உலகின் 5-வது பெரிய பொருளாதாரம் என்ற நிலையை இலக்காக இந்தியா கொண்டு உள்ளது.

அதனால், ஸ்டார்ட்அப் நிறுவனங்களின் வளர்ச்சியை ஊக்குவித்து வர்த்தக நட்பு சார்ந்த ஒன்றாக இந்திய விண்வெளி துறையை உருவாக்க அரசு முயற்சித்து வருகிறது.

இதற்கு இந்தியாவின் நியூஸ்பேஸ் என்ற நிறுவனம் கைகொடுத்து உள்ளது. இஸ்ரோவின் ஓர் அங்கம் என பார்க்கப்படும் இந்நிறுவனம் 2019-ம் ஆண்டு உருவாக்கப்பட்டது.

எங்களது தேவை பெரிய அளவில் உள்ளது என அதன் தலைவர் மற்றும் மேலாண் இயக்குநரான டி. ராதாகிருஷ்ணன் கூறுகிறார். இதன்படி, 52 சர்வதேச வாடிக்கையாளர்களை அவர்கள் கொண்டு உள்ளனர்.

நம்பக தன்மை, செலவு குறைவு உள்ளிட்ட காரணிகளால் விண்வெளி வர்த்தகத்தில் சீனாவை, இந்தியா முந்த கூடிய சூழல் உள்ளது. எனினும், 2020-ம் ஆண்டில் அனைத்து புவியில் இருந்து செலுத்திய செயற்கைக்கோள்களின் வரிசையில், சீனா 13.6 சதவீதமும், இந்தியா 2.3 சதவீதமும் கொண்டிருந்தது.

சீனாவில் பல தனியார் நிறுவனங்களும் ராக்கெட்டுகளை தயாரித்து வருகின்றன. சில நிறுவனங்கள் சொந்தத்தில் ஏவு தளங்களையும் கொண்டு உள்ளன.

2022-ம் ஆண்டில் சீனாவின் கேலக்சிஸ்பேஸ் 6 தொலைதொடர்பு செயற்கைக்கோள்களை ஏவின. அதன் போட்டியாளரான கேலக்டிக் எனர்ஜி, ஜனவரி மாதத்தில் 5 செயற்கைக்கோள்களை செலுத்தின.

இந்தியா கடந்த ஆண்டில் இதேபோன்ற 5 செயற்கைக்கோள்களை செலுத்தின. இந்தியாவில் இருந்து செயற்கைக்கோள்களை விண்ணில் செலுத்தும்போது தோல்வி அடைவதற்கான சாத்தியங்கள் உள்ளன என்பது ஏற்கப்பட்டாலும், இந்தியா திறமையாகவே செயல்படுகிறது என ஹார்வர்டு பல்கலை கழகத்தின் வானியல் இயற்பியலாளர் ஜோனாதன் மெக்டோவல் கூறுகிறார்.

அதற்கு சான்றாக, 2013-ம் ஆண்டில் செவ்வாய்க்கு இந்தியா அனுப்பிய ஆர்பிட்டர் ஒன்றின் செலவு, அதே ஆண்டில் நாசா அனுப்பிய விண்வெளி ஆய்வு விண்கலத்தின் செலவை விட 10-ல் ஒரு பங்கு அளவே இருந்தது. அதனால், குறைந்த செலவில் பெரிய ஏவுதிறனுடன் உள்ள நாடுகள் அதிகம் இல்லை. அதுவும் சீனா அல்லது ரஷியா இல்லவே இல்லை என்று மெக்டோவல் கூறுகிறார்.