புதுடெல்லி,

ஆசிய ஜூனியர் பேட்மிண்டன் சாம்பியன்ஷிப் போட்டி சீனாவின் செங்டுவில் நடந்தது. இதில் சிறுவர்களுக்கான 15 வயதுக்குட்பட்டோர் இறுதி ஆட்டத்தில் இந்தியாவின் போர்னில் ஆகாஷ் சாங்மாய் 21-19, 21-13 என்ற நேர் செட்டில் பேன் ஹாங் சூவானை (சீனா) வீழ்த்தி தங்கப்பதக்கத்தை வென்றார்.

அசாமை சேர்ந்த 13 வயதான போர்னில், இந்த பிரிவில் மகுடம் சூடிய 2-வது இந்தியர் என்ற சாதனையை படைத்தார். 17 வயதுக்குட்பட்டோர் சிறுமியர் பிரிவில் இந்தியாவின் தன்வி ஷர்மா 17-21, 21-11, 19-21 என்ற செட் கணக்கில் யட்டாவீமின் கேட்லியாங்கிடம் (தாய்லாந்து) தோற்று வெள்ளிப்பதக்கத்துடன் திருப்தி அடைய வேண்டியதாயிற்று.