மாட்ரிட்,
களிமண் தரை போட்டியான மாட்ரிட் ஓபன் சர்வதேச டென்னிஸ் தொடர் ஸ்பெயினில் நடைபெற்று வருகிறது. இதில் நேற்று நடைபெற்ற பெண்கள் ஒற்றையர் பிரிவின் 2-வது சுற்று ஆட்டம் ஒன்றில் முன்னணி வீராங்கனையான இகா ஸ்வியாடெக் (போலந்து), வாங் சையு (சீனா) உடன் மோதினார்.
இதில் தொடக்கம் முதலே ஆதிக்கம் செலுத்திய இகா ஸ்வியாடெக் 6-1 மற்றும் 6-4 என்ற நேர் செட் கணக்கில் வெற்றி பெற்று 3-வது சுற்றுக்கு முன்னேறினார். இவர் தனது 3-வது சுற்று ஆட்டத்தில் சொரானா சிர்ஸ்டியா உடன் பலப்பரீட்சை நடத்த உள்ளார்.
மற்ற ஆட்டங்களில் முறையே ஒன்ஸ் ஜாபேர், கோகோ காப், மேடிசன் கீஸ், மரிய சக்காரியா போன்ற முன்னணி வீராங்கனைகள் தங்களது ஆட்டங்களில் வெற்றி பெற்று அடுத்த சுற்றுக்கு முன்னேறியுள்ளனர்.