நியூயார்க்,

ஆண்டின் கடைசி கிராண்ட்ஸ்லாமான அமெரிக்க ஓபன் டென்னிஸ் தொடர் நியூயார்க் நகரில் நடந்து வருகிறது. இதில் பல முன்னணி வீரர் மற்றும் வீராங்கனைகள் கலந்து கொண்டுள்ளனர்.

இந்நிலையில் இந்த தொடரில் இன்று நடைபெற்ற ஆண்கள் ஒற்றையர் பிரிவின் 3வது சுற்று ஆட்டம் ஒன்றில் முன்னணி வீரரான நார்வேயின் கேஸ்பர் ரூட், சீனாவின் ஷாங் ஜுன்செங் உடன் மோதினார்.

இந்த ஆட்டத்தின் முதல் இரு செட்களை 6-7 (1-7), 3-6 என்ற புள்ளிக்கணக்கில் இழந்த கேஸ்பர் ரூட், ஆட்டத்தின் அடுத்த 3 செட்களை 6-0, 6-3, 6-1 என்ற புள்ளிக்கணக்கில் கைப்பற்றி வெற்றி பெற்றார்.

இந்த வெற்றியின் மூலம் கேஸ்பர் ரூட் 4வது சுற்றுக்கு (ரவுண்ட் ஆப் 16) முன்னேறினார். நாளை நடைபெறும் 4வது சுற்று ஆட்டத்தில் கேஸ்பர் ரூட், அமெரிக்காவின் டெய்லர் பிரிட்ஸ் உடன் மோத உள்ளார்.