காதியை உலகளவில் பிரபலப்படுத்துவதே முன்னுரிமை: காதி மற்றும் கிராமத் தொழில்கள் ஆணையத்தின் புதிய தலைவர்

புதுடெல்லி,

காதி மற்றும் கிராமத் தொழில்கள் ஆணையத்தின் (கே வி ஐ சி) புதிதாக நியமிக்கப்பட்ட தலைவர் ஸ்ரீ மனோஜ் குமார் நேற்று பொறுப்பேற்றார். கே வி ஐ சி தலைவராக பொறுப்பேற்ற பிறகு, ஸ்ரீ மனோஜ் குமார் கூறுகையில்,

"பிரதமர் நரேந்திர மோடியின் "ஆத்மநிர்பர் பாரத்(சுயசார்பு இந்தியா)" என்ற கனவை நனவாக்குவது எனது முன்னுரிமையாக இருக்கும்.

தன்னம்பிக்கை இந்தியா என்ற பெரிய இலக்கை அடைய, கே.வி.ஐ.சி.யின் பல்வேறு திட்டங்களின் மூலம் அதிகபட்ச எண்ணிக்கையிலான சிறிய மற்றும் குறு அலகுகளை அமைப்பதும், சுயவேலைவாய்ப்பை உருவாக்குவதும் தனது முன்னுரிமையாக இருக்கும்.

இளைஞர்களை 'வேலை தேடுபவர்களாக' மாற்றாமல் 'வேலை கொடுப்பவர்களாக' மாற்றும் பிரதமரின் தொலைநோக்குப் பார்வையில் கேவிஐசி தொடர்ந்து செயல்படும்.

நாட்டில் காதி ஒரு "மவுனப் புரட்சி" போல் பரவுகிறது. கடந்த 8 ஆண்டுகளில் "காதி இந்தியா" செய்த சாதனைகள் சிறப்பானவை.

அரசிடமிருந்து வழங்கப்படும் நிதி நேரடியாக காதி கைவினைஞர்களின் கைகளுக்குச் சென்றடைவதை உறுதி செய்யப்படும். இது சமூகத்தின் நலிந்த பிரிவினரின் குறிப்பாக ஏழைகள் பொருளாதார மேம்பாட்டிற்கு வழி வகுக்கும். ஒவ்வொரு கைக்கும் போதுமான வேலை கிடைப்பதையும், அவர்களின் உழைப்புக்கு உரிய ஊதியம் கிடைப்பதையும் உறுதிசெய்ய கே.வி.ஐ.சி. முயற்சி செய்யும்.

காதி இந்தியா பிராண்டை புதிய உயரத்திற்கு கொண்டு செல்ல, "சப்கா சாத், சப்கா விகாஸ்(எல்லோருடைய வளர்ச்சிக்கும் எல்லோருடைய நிறுவனமும் உதவும்)" மற்றும் "தேசத்திற்கான காதி, ஃபேஷனுக்கான காதி மற்றும் மாற்றத்திற்கான காதி'" என்ற மந்திரத்தை பின்பற்றுவதாகவும், உலக அரங்கில் காதியை பிரபலப்படுத்துவதே அவரது முதன்மையான முன்னுரிமையாக இருக்கும்.

உள்ளூர் தயாரிப்பில் இருந்து காதியை உலகளாவிய தயாரிப்பது எங்கள் முயற்சியாக இருக்கும். இதனால் உலகம் முழுவதும் காதியின் தேவை கணிசமாக அதிகரிக்கும்" என்று கூறினார்.