மும்பையில் உள்ள அடுக்குமாடி குடியிருப்பில் 11 வயது மாற்றுத்திறனாளி சிறுமி குடும்பத்துடன் வசித்து வருகிறாள். கடந்த மாதம் 5-ந் தேதி சிறுமி அவளது வீட்டுக்கு வெளியே விளையாடி கொண்டு இருந்தாள். இதில் சிறுமியுடன் விளையாடி கொண்டு இருந்த தோழி, திடீரென வீட்டுக்குள் சென்றுவிட்டார். இந்த நேரத்தில் அதே குடியிருப்பில் வசிக்கும் 21 வயது வாலிபர் அங்கு வந்து உள்ளார். வாலிபர் தனியாக இருந்த சிறுமியின் வீல்சேரை அவருக்கு அருகில் இழுத்து, சிறுமியை மானபங்கம் செய்ய முயற்சி செய்ததாக கூறப்படுகிறது. எனினும் சிறுமி எதிர்ப்பு தெரிவித்ததால் வாலிபர் அங்கு இருந்து சென்று உள்ளார்.