ஜூன் மாத ராசிபலன் - தனுசு, மகரம், கும்பம், மீனம்

தனுசு

தனுசு ராசி அன்பர்களே!

மற்றவர்களின் தேவையை குறிப்பறிந்து உதவும் தயாள மனம் கொண்டவர் நீங்கள். வலக்கை செய்ததை இடக்கைக்கு அறியாவண்ணம் பார்த்துக் கொள்ளும் தன்னலம் அற்றவர் நீங்கள்.

சிறப்புப்பலன்கள்

உத்தியோகஸ்தர்களுக்கு

வேலைக்கு செல்பவர்கள் உத்தியோகத்தில் மனஅமைதி கிடைக்கும். ஆடம்பர செலவினை தவிர்ப்பது நல்லது. சிக்கனத்தை கடைபிடிப்பது மிகவும் நல்லது. ஒரு சேமிப்பு தொகையாவது போட்டு வைப்பது நல்லது.

வியாபாரிகளுக்கு

சொந்த தொழில் செய்பவர்களுக்கு இருப்பதை வைத்து தொழிலை மேம்படுத்தவும். புதியதொரு தொழிலை துவங்க அரசு கடன் கிடைக்கும்.

குடும்ப தலைவிகளுக்கு

குடும்பத் தலைவிகளுக்கு கணவரது முழு சம்பளமும் தங்களுக்கு கைக்கு வரும். தங்களுடைய குடும்ப நிர்வாகம் மேம்படும். தங்கள் அறிவுரையை கணவர் கேட்டு நடப்பார். இளம் பெண்களுக்கு விரும்பிய வாரே நல்ல துணை கிடைக்கும்.

கலைஞர்களுக்கு

கலைஞர்களுக்கு எதிர்பாலினரிடத்தில் கவனம் தேவை. அதிக பேச்சைக் குறைப்பது நல்லது. நல்ல கதாபாத்திரம் கிடைக்கும்.

மாணவர்களுக்கு

மாணவர்களுக்கு தனக்கு புரிந்து கொள்ள முடியாத பாடத்தை ஆசிரியரிடம் சந்தேகத்தை தீர்த்துக் கொள்வது நல்லது. தேக ஆரோக்கியம் சிறப்படையும்.

பரிகாரம்

வியாழக்கிழமை அன்று மஞ்சள் வஸ்திரத்தை குருபகவானுக்கு சாத்தி வருவது தடைகளை உடைக்கச் செய்யும்.