அமெரிக்காவின் பொருளாதார கொள்கைகளால் ஏற்பட்ட வர்த்தக போர் அச்சம், சர்வதேச சந்தைகளில் ஏற்பட்டுள்ள நிலையற்ற தன்மை, வெளிநாட்டு நிதி வெளியேற்றம் உள்ளிட்ட காரணங்களால் இந்திய பங்குச்சந்தைகள் கடும் சரிவை சந்தித்துவருகின்றன.

இந்நிலையில் இன்று காலை வர்த்தகம் தொடங்கியபோது பங்குச்சந்தைகள் ஏற்றம் பெற்றன. வர்த்தகத்தின் பெரும்பகுதி குறியீட்டெண் நேர்மறையாகவே இருந்தது. ஒரு கட்டத்தில் சென்செக்ஸ் 751.1 புள்ளிகள்வரை உயர்ந்து வர்த்தகமானது. கடைசி நேரத்தில் குறிப்பிட்ட ஐ.டி. மற்றும் வங்கி பங்குகளின் திடீர் விற்பனை மற்றும் வெளிநாட்டு நிதி வெளியேற்றம் ஆகியவற்றால் குறியீட்டெண் விறுவிறுவென சரிந்தது.