சினிமா செய்திகள்

முதல்-அமைச்சர் விஜய்க்கு நன்றி தெரிவித்து நடிகர் தனுஷ் அறிக்கை

திரையரங்குகளில் காலை 6 மணி காட்சிக்கு அனுமதி அளித்ததற்காக முதல்-அமைச்சர் விஜய்க்கு நடிகர் தனுஷ் நன்றி தெரிவித்துள்ளார்.

சென்னை,

திரையரங்குகளில் காலை 6 மணி காட்சிக்கும் அனுமதி அளித்ததற்காக நடிகர் தனுஷ், தமிழக அரசுக்கும், முதல்-அமைச்சர் விஜய்க்கும் நன்றி தெரிவித்துள்ளார். இது தொடர்பாக அவர் தனது எக்ஸ் தளத்தில் வெளியிட்டுள்ள அறிக்கையில் கூறப்பட்டு இருப்பதாவது;

”ஒரு திரைப்படத்தின் வெற்றி என்பது பல்வேறு துறைகளைச் சேர்ந்த பலரின் கூட்டு உழைப்பாலும், அர்ப்பணிப்பாலும் உருவாவது. அத்தகைய திரைத்துறையில் இருக்கும் ஒவ்வொருவருக்கும் நீங்கள் கொடுக்கக்கூடிய மிகப்பெரிய ஆதரவு, திரையரங்கிற்குச் சென்று திரைப்படங்களைப் பார்ப்பதும், அதன் மூலம் திரையுலகின் வளர்ச்சிக்குப் பங்களிப்பதும்தான்.

வரும் நவம்பர் 20ஆம் தேதி வெளியாகவிருக்கும் "ஓம்" திரைப்படத்தின் காலை 6 மணி காட்சிக்கு அனுமதி வழங்கிய தமிழக அரசிற்கும், மரியாதைக்குரிய தமிழ்நாடு முதலமைச்சர் விஜய் அவர்களுக்கும் எனது மனமார்ந்த நன்றிகள். காலை 6 மணி காட்சிக்கு வருகை தரும் ரசிகர்கள் அனைவரும் பாதுகாப்புடனும், பொறுப்புடனும், அடுத்தவர்களுக்கு இடையூறு ஏற்படுத்தாமலும் நடந்துகொள்ளுமாறு அன்புடன் கேட்டுக்கொள்கிறேன். திரைப்படத்தைப் பார்த்து மகிழ்வதே உண்மையான கொண்டாட்டம்! அனைவருக்கும் அன்பும், நன்றியும்.”

இவ்வாறு அதில் தனுஷ் தெரிவித்துள்ளார்.

SCROLL FOR NEXT