மும்பை,
அஜய் தேவ்கன் நடிப்பில் கடந்த 2018-ம் ஆண்டு வெளியான படம் ரெய்டு. இதில் தேவ்கன் ஐஆர்எஸ் அதிகாரி அமய் பட்நாயக் கதாபாத்திரத்தில் நடித்திருந்தார். தற்போது ரெய்டு படத்தின் தொடர்ச்சியாக ரெய்டு 2 உருவாகியுள்ளது. இதில், அஜய் தேவ்கன், வாணி கபூர் மற்றும் ரஜத் கபூர் ஆகியோர் முக்கிய கதாபாத்திரங்களில் நடித்துள்ளனர்.
இப்படம் வருகிற மே மாதம் 1-ம் தேதி தொழிலாளர் தினத்தில் வெளியாக உள்ளது. இந்நிலையில், இப்படத்தில் ஒரு சிறப்பு பாடலுக்கு நடிகை தமன்னா நடனமாடுவதாக தகவல் வெளியாகி இருக்கிறது. அதற்கான படப்பிடிப்பில் தற்போது அவர் இணைந்துள்ளதாக கூறப்படுகிறது.
முன்னதாக, ரஜினிகாந்த் நடிப்பில் வெளியான 'ஜெயிலர் ' படத்தில் இடம்பெற்ற 'காவாலா' பாடலுக்கும், பாலிவுட்டில் ஷ்ரத்தா கபூர் நடிப்பில் வெளியான 'ஸ்ட்ரீ 2' படத்தில் 'ஆஜ் கி ராத்' பாடலுக்கும் தமன்னா நடனமாடியிருந்தார் என்பது குறிப்பிடத்தக்கது.