பாலிவுட் நடிகர் அமீர்கானுக்கு லாரன்ஸ் பிஸ்னோய் கும்பல் மிரட்டல் விடுத்ததால் பரபரப்பு

முகநூல் பக்கத்தில் அச்சுறுத்தல்

அமீர்கானும், அவருடன் இருப்பவர்களும் லவ் ஜிகாத்தை ஊக்குவிப்பதாக கூறி பிஷ்னோய் கும்பலைச் சேர்ந்த ஆர்சூ பிஷ்னோய், டைசன் பிஷ்னோய் ஆகியோரின் முகநூல் பக்கத்தில் இருந்து இந்த அச்சுறுத்தல் விடுக்கப்பட்டு இருக்கிறது. அந்த பதிவில், அமீர் கான் மற்றும் பிறர் "லவ் ஜிகாத்" நடவடிக்கைகளை ஊக்குவிப்பதாக குற்றம்சாட்டியள்ளது. மேலும், இது "சனாதன தர்மத்துக்கும் நாட்டுக்கும் எதிரான செயல். இதுபோன்ற செயல்களை தாங்கள் ஒருபோதும் சகித்துக் கொள்ள மாட்டோம் என்றும், இதற்கு "மிக விரைவில் தக்க பதிலடி கொடுக்கப்படும் . பிரபலம் என்ற பெயரில் இந்த விஷயத்தை ஊக்குவிப்பவர்களின் மூச்சை நாங்கள் அடக்குவோம்." என அந்தப் பதிவில் எச்சரிக்கப்பட்டுள்ளது.

இந்த மிரட்டல் குறித்து அமிர் கான் தரப்பில் இன்னும் போலீஸில் புகார் செய்யவில்லை. அச்சுறுத்தல் தொடர்பான தகவல் வெளியானதைத் தொடர்ந்து, பாதுகாப்பு நிலவரத்தை ஆய்வு செய்வதற்காக மும்பை குற்றப்பிரிவு மற்றும் உள்ளூர் காவல் துறையைச் சேர்ந்த குழுவினர் பாந்த்ரா, பாலி ஹில்லில் உள்ள அமீர் கானின் இல்லத்திற்குச் சென்று ஆய்வு மேற்கொண்டனர்.