‘மாற்றம் தேவையில்லை’ என அஜித் கூறினாரா? - சுரேஷ் சந்திரா விளக்கம்

இதற்கிடையே, வாக்களித்துவிட்டு வெளியே வந்த அஜித்திடம் பேட்டி எடுக்க செய்தியாளர்கள் முயன்றனர். அப்போது, ‘மாற்றம் தேவையா?’ என்று செய்தியாளர் கேட்டதற்கு ‘மாற்றம் தேவையில்லை’ என அஜித் பதில் அளித்ததாக சில ஊடகங்கள், சமூக வலைதளங்களில் தகவல் பரவியது.

இதன் தொடர்ச்சியாக, “மாற்றம் தேவையில்லை என்று அஜித் கூறியதாக வெளியாகிய கருத்து குறித்து உங்கள் நிலை என்ன?” என்று செய்தியாளர்கள் முதல்வர் ஸ்டாலினிடம் கேள்வி எழுப்பினர். அதற்கு அவர், “அஜித் நல்ல கருத்தையே தெரிவித்திருக்கிறார், அவருக்கு நன்றி” என்று பதிலளித்தார்.

இதுகுறித்து பின்னர் அஜித்தின் மேலாளர் சுரேஷ் சந்திரா விளக்கம் அளிக்கையில், “வாக்களித்து வெளியே வந்த அஜித்குமார் எந்தவித அரசியல் கருத்தையும் தெரிவிக்கவில்லை. ‘மாற்றம் தேவையில்லை’ போன்ற கருத்தும் அவர் கூறவில்லை. செய்தியாளர் ஒருவர் கேள்வி எழுப்பியபோது, ‘பேட்டி வழங்க முடியாது’ என்ற பொருளில் அவர் பதிலளித்ததை தவறாக புரிந்து கொண்டுள்ளனர்” என்று தெரிவித்தார்.