இயக்குனர் பாலாஜி மோகன் இயக்கத்தில் நடிகர் தனுஷ், நடிகை சாய் பல்லவி, வரலட்சுமி சரத்குமார் உள்ளிட்ட பலர் நடித்த 'மாரி-2' திரைப்படம் கடந்த 2018-ம் ஆண்டு வெளியானது. இந்த படத்திற்கு யுவன் சங்கர் ராஜா இசையமைத்திருந்தார்.

இந்த படத்தில் இடம்பெற்ற 'ரவுடி பேபி' என்ற பாடல் ரசிகர்களிடம் மிகப்பெரிய வரவேற்பைப் பெற்றது. இந்த பாடலை தனுஷ் எழுதியிருந்தார். தனுஷ் மற்றும் பாடகி தீ ஆகியோர் பாடியிருந்தனர். அதோடு இந்த பாடலின் நடன இயக்குனர் பிரபு தேவா, தனுஷ் மற்றும் சாய் பல்லவி ஆகியோரின் கூட்டணியில் பாடல் வீடியோவும், நடனமும் யூ-டியூபில் வைரலானது.