வாசனை மற்றும் சுவை அறியும் திறனை இழந்தேன்: உடல் நலம் குறித்து மம்முட்டி உருக்கம்

மம்மூட்டி அதில் பேசியதாவது: கண் பார்வையும் செவித்திறனும் மனித வாழ்க்கையில் மிகவும் முக்கியமான அம்சங்கள். இசை உட்பட நாம் கேட்கும் அனைத்தையும், செவித்திறன் சவால் கொண்டவர்களுக்கு கேட்கச் செய்வது நல்ல விஷயம். எனக்கு அப்படியான சிலரைத் தெரியும். ஷூட்டிங் நேரத்தில் செவித்திறன் சவால் கொண்ட ஒருவருக்கு, நான் கருவி ஒன்றை வாங்கிக் கொடுத்தேன். அதை மாட்டிய அந்த நபர் உடனே கழற்றிவிட்டார். சத்தங்கள் என்பது அவருக்கு புதிது. அதில் அவருக்கு எந்த அனுபவமும் இல்லை. அதன் தேவையும் அவருக்கு ஏற்படவில்லை. எனவே, அதன்பின் அந்தக் கருவியை அவர் பயன்படுத்தவே இல்லை. இதுபோல பலர் இருக்கலாம். ஆனால், நமக்குச் சில விஷயங்கள் இல்லாமல் இருக்கும் போதுதான் அதன் மதிப்பு தெரியும்.