இந்த நிலையில் ஜூவாலா கட்டாவுடன் நெருக்கமாக செல்பி எடுத்து அந்த படங்களை சமூக வலைத்தளத்தில் விஷ்ணு விஷால் வெளியிட்டார். படத்தின் கீழ் எந்த கருத்தையும் பதிவிடவில்லை. இது ரசிகர்கள் மத்தியில் பரபரப்பை ஏற்படுத்தியது. இருவரும் காதலிக்கிறீர்களா? இவருக்காகத்தான் மனைவியை பிரிந்தீர்களா? விரைவில் திருமணம் செய்து கொள்ளுங்கள் என்றெல்லாம் வலைத்தளத்தில் பேசினர்.

செல்பி குறித்து விஷ்ணு விஷால் விளக்கம் அளித்துள்ளார். அவர் கூறும்போது, எனக்கு ஜூவாலாவை ஓராண்டு காலமாக தெரியும். எனக்கு ஜூவாலாவை பிடிக்கும். அதுபோல் ஜூவாலாவுக்கும் என்னை பிடிக்கும். எங்களுக்கு பொதுவான நண்பர்களுடன் சேர்ந்து நேரத்தை செலவிடுகிறோம்.