பி.வி.ஷங்கர் இயக்கத்தில் ஜி.வி.பிரகாஷ் நடிப்பில் வெளியான திரைப்படம் 'கள்வன்'. இந்த படத்தில் பாரதிராஜா, இவானா, தீனா, ஜி.ஞானசம்பந்தம், வினோத் முன்னா உள்ளிட்ட பலர் முக்கிய கதாபாத்திரத்தில் நடித்திருந்தனர். டில்லி பாபு தயாரித்த இந்த படத்துக்கு ஜி.வி. பிரகாஷ் இசையமைத்திருந்தார்.

கடந்த மாதம் 4-ந்தேதி வெளியான 'கள்வன்' திரைப்படம் ரசிகர்களின் வரவேற்பை பெற்றது. சமீபத்தில் இந்த படத்தின் மேக்கிங் வீடியோவை படக்குழு வெளியிட்டது. இந்நிலையில், இப்படத்தின் ஓ.டி.டி. ரிலீஸ் தேதி குறித்த அறிவிப்பு வெளியாகி உள்ளது. அதன்படி இப்படம் 'டெண்ட்கொட்டா' செயலியில் வரும் 10-ம் தேதி முதல் வெளியாக உள்ளது.