இந்த நிலையில் கமல்ஹாசனின் 'நாயகன்' படமும் மீண்டும் ரிலீசாக இருப்பதாக அறிவித்து உள்ளனர். இந்த படத்தை டிஜிட்டலில் புதுப்பிக்கும் பணிகள் நடந்து வருகின்றன. நவம்பர் முதல் வாரத்தில் 'நாயகன்' படத்தை மீண்டும் திரைக்கு கொண்டு வருகிறார்கள்.

'நாயகன்' படம் மணிரத்னம் இயக்கத்தில் 1987-ல் திரைக்கு வந்தது. சரண்யா, ஜனகராஜ், டெல்லி கணேஷ், நாசர், நிழல்கள் ரவி உள்ளிட்ட பலர் நடித்து இருந்தனர். இளையராஜா இசையில் இடம்பெற்ற 'நீ ஒரு காதல் சங்கீதம்', 'அந்தி மழை மேகம்', 'நான் சிரித்தால் தீபாவளி', 'நிலா அது வானத்து மேலே', 'தென்பாண்டி சீமையிலே' ஆகிய பாடல்கள் பட்டிதொட்டியெங்கும் ஒலித்தன.