'ஆடுகளம்' படம் மூலம் தமிழ் சினிமாவுக்கு அறிமுகமானவர் டாப்சி. 'வந்தான் வென்றான்', 'ஆரம்பம்', 'காஞ்சனா-2', 'கேம் ஓவர்' போன்ற பல படங்களிலும் நடித்துள்ளார். தமிழ், தெலுங்கு படங்களில் நடித்துள்ள டாப்சி, இந்தியிலும் அதிக படங்களில் நடித்து முன்னணி கதாநாயகியாக உயர்ந்துள்ளார். இவர் தற்போது கதாநாயகிக்கு முக்கியத்துவம் உள்ள கதைகளை தேர்வு செய்து நடிக்கிறார்.

இந்தியில் முன்னணி நடிகையாக ஜொலிக்கும் டாப்சி, 'தக் தக்' படத்தின் மூலமாக தயாரிப்பாளராக அவதாரம் எடுத்திருக்கிறார். சமீபத்தில் இவர் நடிப்பில் வெளியான 'டங்கி' திரைப்படம் இந்தியாவில் இருந்து அமெரிக்கா செல்பவர்களை பற்றிய கதையை மையமாக வைத்து வெளியானது. இதில் ஷாருக்கான் நாயகனாக நடித்து இருந்தார்.