ரஜினிகாந்தின் காலா படம் அடுத்த மாதம் 27-ந் தேதி வெளியாகும் என்று அறிவிக்கப்பட்டு உள்ளது. இதனால் ரசிகர்கள் பெரிய எதிர்பார்ப்பில் உள்ளனர்.

இந்த படத்தின் டிரெய்லரை உருவாக்கும் பணி இறுதிக்கட்டத்தில் உள்ளது. அடுத்த மாதம் (மார்ச்) 10-ந் தேதி டிரெய்லரை வெளியிட திட்டமிட்டு உள்ளதாக தகவல் வெளியாகி உள்ளது. தொடர்ந்து பாடல்களும் வெளியாக இருக்கிறது.

இந்த படத்தில் ரஜினிகாந்த் ஜோடியாக கியூமா குரோஷி நடித்துள்ளார். சமுத்திரக்கனி, சாயாஷி ஷிண்டே, சம்பத், அஞ்சலி பட்டேல், ஈஸ்வரி ராவ் ஆகியோரும் முக்கிய கதாபாத்திரங்களில் வருகிறார்கள். பா.ரஞ்சித் டைரக்டு செய்துள்ளார். படத்தின் பெரும்பகுதி மும்பையில் உள்ள தாராவி பகுதியில் படமாக்கப்பட்டது.

சென்னை பூந்தமல்லி அருகே உள்ள பொழுதுபோக்கு பூங்காவிலும் அரங்கு அமைத்து படப்பிடிப்பை நடத்தினர். நெல்லையில் இருந்து மும்பை செல்லும் ஒருவர் தாதாவாக மாறி அங்குள்ள தமிழர்களுக்கு எப்படி உதவியாக இருக்கிறார்? என்பது கதை. ரஜினிகாந்த் தாதா கதாபாத்திரத்தில் நடித்து இருக்கிறார்.