தமிழ், தெலுங்கு, கன்னட மொழிகளில் பிரபல கதாநாயகியாக இருப்பவர் ராஷ்மிகா மந்தனா. புஷ்பா, ஆடவல்லு மீக்கு ஜோஹார்லு, சீதா ராமம், குட் பை, மிஷன் மஜ்னு, அனிமல் ஆகிய படங்களில் ராஷ்மிகா நடித்துள்ளார். தொடர்ந்து புஷ்பா - 2, ரெயின்போ, தி கேர்ள் பிரண்ட், சாவா என படங்கள் நடித்து வருகிறார்.

இவர் நேற்று தனது 28-வது பிறந்தநாளை கொண்டாடினார். இதையடுத்து அவருக்கு புஷ்பா - 2 படக்குழு சிறப்பு போஸ்டர் வெளியிட்டு வாழ்த்து தெரிவித்தது. தற்போது இந்த போஸ்டரில் இருக்கும் ராஷ்மிகாவின் புகைப்படத்தை, முன்னதாக வெளியான குண்டூர் காரம் படத்தில் இருக்கும் மகேஷ் பாபுவின் புகைப்படத்துடன் ஒப்பிட்டு இணையதளங்களில் சிலர் புகைப்படத்தை வெளியிட்டனர். இது சமூக வலைதளங்களில் வைரலானது.