கடந்த 2015ம் ஆண்டு மலையாளத்தில் வெளியான 'பிரேமம்' படத்தின் மூலம் கதாநாயகியாக அறிமுகமாகி ரசிகர்களை கவர்ந்தவர் நடிகை சாய் பல்லவி. இவர் தமிழில் தியா, மாரி 2, என்.ஜி.கே, கார்கி போன்ற படங்களில் நடித்துள்ளார். தற்போது சிவகார்த்திகேயனின் 'எஸ்.கே 21' படத்தில் நடித்து வருகிறார்.

சாய்பல்லவிக்கு பூஜா கண்ணன் என்ற தங்கை உள்ளர். இவர் தமிழில் 'சித்திரை செவ்வானம்' படத்தின் மூலம் நாயகியாக அறிமுகமானார். இவர் சமீபத்தில் தனது இன்ஸ்டாகிராம் பக்கத்தில் விரைவில் திருமணம் செய்துகொள்ள இருப்பதாக அறிவித்தார். தனது காதலன் வினீத் என்பவரையும் ரசிகர்களுக்கு அறிமுகப்படுத்தினார்.