கண்ணே கலைமானே காதல் கதை. எனக்கு வங்கி அதிகாரி வேடம். உதயநிதிக்கு இணையாக எனக்கும் வலுவான கதாபாத்திரம் இந்த படத்தில் அமைந்துள்ளது. படத்தை திரையில் பார்த்து அழுதுவிட்டேன். படப்பிடிப்பில் எனது நடிப்பை சீனுராமசாமி பாராட்டினார். நான் சிறப்பாக நடித்ததற்காக திருநெல்வேலி அல்வா கொடுத்தார்.

அது எனக்கு பெரிய பரிசாக தெரிந்தது. சீனுராமசாமி படங்களில் கதாநாயகிக்கு முக்கியத்துவம் இருக்கும். தர்மதுரை படத்தில் அதை உணர்ந்தேன். கண்ணே கலைமானே படத்திலும் அந்த வலிமை இருக்கிறது. படம் சிறப்பாக வந்ததற்காக அவருக்கு நான் முத்தம் கொடுத்தேன். விருதுகளை நான் எதிர்பார்த்து நடிப்பது இல்லை. ரசிகர்கள் பாராட்டினால் அதுவே விருது.