திருச்சி புத்தடி மாரியம்மன் கோவிலில் சித்திரை திருவிழா- பால்குட ஊர்வலம்

திருச்சி,

திருச்சி, பெரிய மிளகுபாறையில் உள்ள புத்தடி மாரியம்மன் கோவிலில் சித்திரை திருவிழா கடந்த 3-ந்தேதி பூச்சொரிதலுடன் தொடங்கி தொடர்ந்து நடைபெற்று வருகிறது. விழாவின் முக்கிய நிகழ்ச்சியான பால் குட ஊர்வலம் நேற்று காலையில் நடந்தது. இதனையொட்டி அதிகாலை 4.30 மணிக்கு காவிரி ஆறு அய்யாளம்மன் படித்துறையில் இருந்து பால் குடம், தீர்த்தக்குடம், அக்னி சட்டி, முளைப்பாரி எடுத்தபடியும், அலகு குத்தியபடியும் மேளதாளங்கள் முழங்க ஏராளமான பக்தர்கள் கோவிலுக்கு ஊர்வலமாக சென்றனர்.

பின்னர் இரவு 10 மணிக்கு உய்யக்கொண்டான் ஆறு அருகில் இருந்து மின்விளக்குகளால் அலங்கரிக்கப்பட்ட முத்து பல்லக்கில் அம்மன் கோவில் வந்து அடைந்தார். அதனைத் தொடர்ந்து பல்வேறு கலை நிகழ்ச்சிகள் நடந்தன. இன்று (திங்கட்கிழமை) காலையில் கிடா வெட்டுதல் நிகழ்ச்சி நடந்தது.