கன்னியாகுமரி முத்தாரம்மன் கோவில் கொடை விழா... நாளை தொடங்குகிறது

முத்தாரம்மனுக்கு சந்தன அபிஷேகம்

விழாவின் முதல் நாளான (திங்கட்கிழமை) மாலை 6 மணிக்கு கொலு மேளமும், 6.30 மணிக்கு அலங்கார தீபாராதனையும் நடக்கிறது. இரவு 7 மணிக்கு நையாண்டி மேளம் மற்றும் கரகாட்டமும், 10 மணிக்கு வில்லிசையும் 11 மணிக்கு குடி அழைப்பும் நடக்கிறது.

2-வது நாள் (செவ்வாய்) காலை 8 மணிக்கு மகா அபிஷேகமும், 9 மணிக்கு சந்தனக்குடம் எடுத்து வர முத்தாரம்மன் கோவிலில் இருந்து ஊர்வலமாக புறப்பட்டு செல்லும் நிகழ்ச்சியும் நடக்கிறது.10.30 மணிக்கு பகவதி அம்மன் கோவிலில் இருந்து சந்தனக்குடம் எடுத்து மேளதாளத்துடன் கோவிலுக்கு ஊர்வலமாக வரும் நிகழ்ச்சி நடக்கிறது. பகல் 12 மணிக்கு முத்தாரம்மனுக்கு சந்தன அபிஷேகமும் அதைத் தொடர்ந்து பரிவார மூர்த்திகளான உச்சினிமாகாளி அம்மன், சுடலைமாடசுவாமி, பலவேசக்காரன், முண்டன் மற்றும் காலபைரவர் ஆகிய சாமிகளுக்கு சந்தன அபிஷேகமும் சிறப்பு பூஜை மற்றும் அலங்கார தீபாராதனையும் நடக்கிறது.