குரங்கணி முத்துமாலை அம்மன் கோவில் ஆனி கொடை விழா- நாளை கால்நாட்டு வைபவம்

தூத்துக்குடி,

குரங்கணி முத்துமாலை அம்மன் கோவில் ஆனி கொடை விழாவிற்காக நாளை கால் நாட்டப்படுகிறது.

ஆனி கொடை விழா

தூத்துக்குடி மாவட்டம், ஏரல் வட்டம், தாமிரபரணி ஆற்றின் தென்கரையில் பிரசித்தி பெற்ற ஶ்ரீ குரங்கணி முத்துமாலை அம்மன் திருக்கோவில் அமைந்துள்ளது. இக்கோவிலில் ஆனி பெருந்திருவிழா (கொடை விழா) வருகின்ற ஜூலை மாதம் 14ம் தேதி (செவ்வாய் கிழமை) நடைபெறுகிறது.

ஆனி கொடை விழாவை முன்னிட்டு நாளை (30.6.2026)) செவ்வாய்க்கிழமை கால்நாட்டு விழா நடைபெறுகிறது. இதையொட்டி நாளை அதிகாலை கோவில் நடை திறக்கப்பட்டு விஸ்வரூப தரிசனம், அதை தொடர்ந்து சிறப்பு பூஜை, தீபாராதனை நடைபெறுகிறது.