பட்டணப் பிரவேச விழா.. பக்தர்கள் புடைசூழ பல்லக்கில் வீதியுலா வந்த தருமபுரம் ஆதீனம்

மயிலாடுதுறை,

மயிலாடுதுறை தருமபுரத்தில் அமைந்துள்ள 16-ஆம் நூற்றாண்டைச் சேர்ந்த ஆதீனத் திருமடத்தில் (தருமை ஆதீனம்) உள்ள ஞானபுரீசுவரர் கோவிலில் வைகாசி பெருவிழா, ஆதீன குருமுதல்வர் குருபூஜை விழா மற்றும் குரு மகா சன்னிதானம் பட்டணப் பிரவேச விழா ஆண்டுதோறும் வைகாசி மாதம் விமரிசையாக நடைபெறுவது வழக்கம். அவ்வகையில் இந்த ஆண்டின் உற்சவம் கடந்த மாதம் 28ஆம் தேதி கொடியேற்றத்துடன் தொடங்கியது

விழாவின் முக்கிய நிகழ்வான தேரோட்டம் கடந்த 5-ம் தேதி விமரிசையாக நடைபெற்றது. இரண்டு தேர்களில் பஞ்சமூர்த்திகளுடன் சுவாமி, அம்பாள் எழுந்தருளி ஆதினத்தை சுற்றியுள்ள நான்கு வீதிகளில் வலம் வந்து பக்தர்களுக்கு அருள்பாலித்தனர்.