நெல்லை டவுன் தொண்டர் நயினார் கோவில் கும்பாபிஷேகம்-திரளான பக்தர்கள் தரிசனம்

நெல்லை,

நெல்லை டவுன் தொண்டர் நயினார் கோவில் கும்பாபிஷேகம் விமரிசையாக நடைபெற்றது. இதில் திரளான பக்தர்கள் கலந்து கொண்டு தரிசனம் செய்தனர்.

தொண்டர் நயினார் கோவில்

நெல்லை மாவட்டத்தில் பிரசித்தி பெற்ற சிவன் கோவில்களில் ஒன்றான நூற்றாண்டு பழமை வாய்ந்த தொண்டர் நயினார் கோவில், நெல்லை டவுனில் அமைந்துள்ளது. இந்த கோவிலின் பெயரால் அந்த பகுதி தொண்டர் சன்னதி என்று பெயர் பெற்று விளங்குகிறது.

இந்த கோவிலில் திருப்பணிகள் நடைபெற்று, நிறைவு பெற்ற சூழலில் கும்பாபிஷேகத்துக்கான பூர்வாங்க பூஜைகள் கடந்த 26-ந்தேதி விக்னேஸ்வர பூஜையுடன் தொடங்கின. தொடர்ந்து பல்வேறு சிறப்பு பூஜைகள் நடத்தப்பட்டு 30-ந்தேதி மாலை முதல் கால யாகசாலை பூஜை நடந்தது. தொடர்ந்து யாகசாலை பூஜை, மருந்து சாத்துதல் உள்ளிட்ட நிகழ்ச்சிகள் நடைபெற்றன.