புதுக்கோட்டை: வயலோகம் முத்துமாரியம்மன் கோவில் திருவிழா

பக்தர்கள் நேர்த்திக்கடன்

திருவிழாவையொட்டி முத்துமாரியம்மன் கோவிலுக்கு வயலோகம், குடுமியான்மலை, புதூர், குளவாய்ப்பட்டி மாங்குடி, மண்ணவேலாம்பட்டி உள்ளிட்ட சுற்று வட்டார கிராமங்களை சேர்ந்த திரளான பக்தர்கள் கடந்த சில நாட்களாக விரதம் இருந்து நேர்த்திக்கடன் செலுத்தி வருகிறார்கள்.

இன்று பக்தர்கள் பலர் பால்குடம் எடுத்தும், அலகு குத்தியும், பறவைக்காவடி எடுத்தும் கோவிலுக்கு ஊர்வலமாக சென்று தங்களது நேர்த்திக்கடனை செலுத்தினர். இதேபோல் கரும்பால் தொட்டில் கட்டி அதில் குழந்தையை வைத்து கோவிலுக்கு ஊர்வலமாக எடுத்து வந்தும், பொங்கல் வைத்தும் பக்தர்கள் நேர்த்திக்கடன் செலுத்தினார்கள்.