விடுமுறை தினம்.. திருவண்ணாமலையில் 4 மணி நேரம் காத்திருந்து தரிசனம் செய்த பக்தர்கள்

நேற்று பகலில் வெயிலின் அளவு அதிகமாகவே காணப்பட்டது. கடுமையான வெயிலையும் பொருட்படுத்தாமல் வரிசையில் நின்ற பக்தர்களுக்கு கோவில் நிர்வாகம் சார்பில் நீர், மோர் வழங்கப்பட்டது.

நேற்று இரவு முதல் இன்று அதிகாலை வரையில் ஏராளமான பக்தர்கள் கிரிவலம் சென்றனர். இன்று பகலில் வெயிலின் தாக்கத்தினால் கிரிவலம் செல்லும் பக்தர்களின் எண்ணிக்கை குறைந்து காணப்பட்டது. பின்னர் பக்தர்களின் எண்ணிக்கை அதிகரித்தது. இதனால் கிரிவலப்பாதையில் உள்ள அஷ்ட லிங்க கோவில்கள் மற்றும் இடுக்கு பிள்ளையார் கோவிலிலும் பக்தர்கள் கூட்டம் அதிகமாக இருந்தது.