நாகர்கோவில்,
நாகர்கோவில் அருகே உள்ள உடையப்பன்குடியிருப்பு ஸ்ரீமன் நாராயண சுவாமி திருக்கோவிலில் ஸ்ரீ கிருஷ்ண ஜெயந்தி விழா நாளை தொடங்கி இரண்டு நாட்கள் நடைபெறுகிறது.
கிருஷ்ண ஜெயந்தி விழாவின் முதல் நாள் (3-ம் தேதி வியாழக்கிழமை) காலை 5 மணிக்கு மங்கள இசை, 6 மணிக்கு பணிவிடையும், உகப்படிப்பும் நடைபெறுகிறது. பகல் 12 மணிக்கு பணிவிடையும், மாலை 6 மணிக்கு பணிவிடையும், உகப்படிப்பும், இரவு 8.30 மணிக்கு முகிலன்விளை பிரம்மசக்தி அம்மன் குழுவினரின் மாபெரும் பக்தி இன்னிசையும், நள்ளிரவு 12 மணிக்கு பணிவிடையும், உகப்படிப்பும், கிருஷ்ணர் பிறப்பும், தாலாட்டும். அதனை தொடர்ந்து சிற்றுண்டியும் வழங்கப்படுகிறது.
இரண்டாம் நாள் (4-ம் தேதி வெள்ளிக்கிழமை) காலை 6 மணிக்கு பணிவிடையும், உகப்படிப்பும், 10 மணிக்கு நாதஸ்வர கச்சேரி, பகல் 11 மணிக்கு பணி விடையும், உச்சிப்படிப்பும் நடைபெறுகிறது. அதனைத் தொடர்ந்து புது அரிசி இனிமம் வழங்கப்படுகிறது. மாலை 4 மணிக்கு பணிவிடையும், உகப்படிப்பும், 5.30 மணிக்கு அய்யாவின் வாகன பவனி, 6.30 மணிக்கு மாபெரும் அன்னதர்மம், இரவு 8 மணிக்கு சிறுவர் சிறுமியருக்கான கலை நிகழ்ச்சிகள் நடைபெறுகின்றன. கலைநிகழ்ச்சிகளில் கலந்து கொள்ளும் அனைவருக்கும் பரிசு வழங்கப்படுகிறது.