கல்யாண் கிழக்கு பா.ஜனதா எம்.எல்.ஏ. கண்பத் கெய்க்வாட். மர்ம நபர் ஒருவர் இவரது பெயரில் போலி முகநூல் கணக்கு தொடங்கி, பெண்களிடம் பேசி வந்து உள்ளார். இதுதொடர்பான தகவல்கள் எம்.எல்.ஏ.க்கு தெரிய வந்தவுடன் அவர் தானே போலீஸ் கமிஷனரிடம் புகார் அளித்தார். புகார் குறித்து கோல்சேவாடி போலீசார் வழக்குப்பதிவு செய்து விசாரணை நடத்தினர். அப்போது எம்.எல்.ஏ. பெயரில் போலி முகநூல் கணக்கு தொடங்கி பெண்களிடம் பேசி வந்தவர் கோல்சேவாடி பகுதியை சேர்ந்த கார் டிரைவர் சந்தன் ஷிர்சேகர் (வயது28) என்பது தெரியவந்தது.