பாரதீய ஜனதா, காங்கிரஸ், தேசியவாத காங்கிரஸ், பகுஜன் சமாஜ் கட்சி, இந்திய கம்யூனிஸ்ட் கட்சி, மார்க்சிஸ்ட் கம்யூனிஸ்ட் கட்சி மற்றும் அகில இந்திய திரிணாமுல் காங்கிரஸ் கட்சி ஆகிய ஏழு தேசிய கட்சிகளால் அறிவிக்கப்பட்ட மொத்த சொத்துக்கள் ஆய்வு செய்யப்பட்டது. இந்த ஏழு கட்சிகளின் அறிவிக்கப்பட்ட ஒருங்கிணைந்த சொத்துக்கள் 2016-17 நிதியாண்டில் ரூ.3260.81 கோடியிலிருந்து ஆறு சதவீதம் அதிகரித்து 2017-18 நிதியாண்டில் ரூ.3456.65 கோடியாக அதிகரித்துள்ளது. திரிணாமுலின் மொத்த சொத்துக்கள் 10.86 சதவீதம் அதிகரித்து ரூ.26.25 கோடியிலிருந்து ரூ.29.10 கோடியாக அதிகரித்துள்ளது.

முன்னர் குறிப்பிட்டிருந்த ஏழு அரசியல் கட்சிகளின் ஒட்டுமொத்த கடன்கள் 2017-18 நிதியாண்டில் ரூ.514.99 கோடியிலிருந்து ரூ.374.61 கோடியாக 27.26 சதவீதம் குறைந்துள்ளது. 2017-18 நிதியாண்டில், காங்கிரஸ் அதிகபட்ச கடன்களாக ரூ.324.2 கோடியை அறிவித்தது. அதைத்தொடர்ந்து பாஜக ரூ. 21.38 கோடியும், திரிணாமுல் ரூ.10.65 கோடியும் கடன்கள் உள்ளதாக அறிவித்திருந்தது.

2016-17 மற்றும் 2017-18 நிதியாண்டுகளுக்கு இடையில், காங்கிரஸ் ரூ.137.53 கோடி, இந்திய கம்யூனிஸ்ட் ரூ.3.02 கோடி, தேசியவாத காங்கிரஸ் ரூ .1.34 கோடி, திரிணாமுல் ரூ .55 லட்சத்துக்கு கடன்கள் குறைந்துள்ளது. ஆயினும், பாஜக மற்றும் பகுஜன் சமாஜ் கட்சி, 2017-18 நிதியாண்டில் கடன்களின் அதிகரிப்புகளையும் அறிவித்தன.

அரசியல் கட்சிகள் வணிகமற்ற, தொழில்துறை அல்லாத அல்லது வணிக சாரா நிறுவனத்தின் கீழ் வருகின்றன. எனவே, மற்ற நிறுவனங்களின் நிலையான கணக்கியல் வடிவங்கள் அரசியல் கட்சிகளுக்கு பொருந்தாது என்று தேர்தல் கண்காணிப்புக் குழு தெரிவித்துள்ளது.