மேலும் அங்குள்ள கண்காணிப்பு கேமரா பதிவுகளையும் ஆய்வு செய்தனர்.

இந்த நிலையில் வாணியம்பாடி வளையாம்பட்டு பைபாஸ் மேம்பாலத்தில் வெங்கடசமுத்திரம் பகுதியை சேர்ந்த சுதாகர் (வயது 21) என்பவர் பிடிபட்டார்.

அவர் கொடுத்த தகவலின் பேரில் அதே ஊரை சேர்ந்த பிரவீன் என்பவரையும் பெங்களூருவில் போலீசார் கைது செய்தனர்.

அவர்களிடம் நடத்திய விசாரணையில், இருவரும் சேர்ந்து ஆம்பூர் பச்சகுப்பம் மேம்பாலத்தில் இருந்து வெலக்கல்நத்தம் வரை தினமும் மோட்டார் சைக்கிளில் செல்லும் பெண்கள், மூதாட்டிகளை நோட்டமிட்டு வழிப்பறியில் ஈடுபட்டதும், நகைகளை கர்நாடகா, மராட்டிய மாநிலங்களில் விற்பதும் தெரியவந்தது.

இவர்களிடம் இருந்து 20 பவுன் நகை, மோட்டார சைக்கிள் ஆகியவற்றை போலீசார் பறிமுதல் செய்தனர்.