சென்னையில் இருந்து திருச்சி நோக்கி டிரைவர் உள்பட 6 பேருடன் லாரி ஒன்று செங்கல்பட்டு புறவழிச்சாலையில் சென்று கொண்டிருந்தது. லாரியை ராஜஸ்தான் மாநிலத்தை சேர்ந்த சோஹைல் (வயது 23) என்பவர் ஓட்டி சென்றார். அப்போது எதிர்திசையில் சென்னை நோக்கி சென்ற மற்றொரு லாரி வேகமாக நேருக்கு, நேர் மோதி விபத்துக்குள்ளானது.

இந்த விபத்தில் லாரியை ஓட்டிச்சென்ற சோஹைல் என்பவர் உடல் நசுங்கி சம்பவ இடத்திலேயே பரிதாபமாக உயிரிழந்தார். மேலும் அதே லாரியில் பயணம் செய்த 5 பேர் ரத்த வெள்ளத்தில் படுகாயமடைந்து கிடந்தனர். இந்த நிலையில், விபத்துக்குள்ளாகி கிடந்த 2 லாரிகளுக்கிடையே சென்னையில் இருந்து வந்த மற்றொரு லாரியும் மோதி விபத்துக்குள்ளானது.