இதுகுறித்து காந்தியம்மாள் கூறுகையில், சம்பவம் நடந்த அன்றே நான் போலீஸ் நிலையத்தில் புகார் செய்தேன். ஆனால், அன்று வழக்குப்பதிவு செய்யவில்லை. மறுநாள் எனது மகனுடன் பணத்தை செலுத்த வங்கிக்கு மீண்டும் சென்ற போது அங்கு என்னை ஏமாற்றிய நபர் அமர்ந்து இருந்தார். அவரை பிடித்து போலீஸ் நிலையத்துக்கு கொண்டு சென்றோம். அப்போது அங்கு இருந்த போலீசார், நாங்கள் பிடித்துச் சென்றது ஒரு போலீஸ்காரர் என்றும், அவர் போடி தாலுகா போலீஸ் நிலையத்தில் பணியாற்றுவதாகவும் கூறினர். மேலும், அவர் அப்படி செய்து இருக்க மாட்டார் என்று கூறி அவர் மீது வழக்குப்பதிவு செய்யவில்லை. புகார் அளித்து பல நாட்கள் கழித்து தான் வழக்குப்பதிவு செய்துள்ளனர். எனவே, இதுகுறித்து முழுமையாக விசாரணை நடத்தி நடவடிக்கை எடுக்க வேண்டும் என்றார். இந்த பெண்ணின் குற்றச்சாட்டு குறித்து மாவட்ட போலீஸ் சூப்பிரண்டு பாஸ்கரனிடம் கேட்டபோது, இந்த சம்பவம் குறித்து முழுமையான விசாரணை நடத்தி நடவடிக்கை எடுக்கப்படும் என்றார்.